Drone Works International

Here's to Irvin D. Yalom and Orhan Pamuk !! ;)
Cheers !!

https://droneworksinternational.bandcamp.com/album/boban-ristevski-when-nietzsche-wept-my-name-is-red

Што читаше ' Мојот свет на окултизам ' во Февруари

Војната нема женско лице – Светлана Алексиевич

Една од најпознатите книги за војната. Раскажана од женска перспектива, тоест, со женско писмо, преку сведоштвата за своето воено искуство на многумина жени – снајперистки, тенкистки, болничарки, итн. Војната нема женско лице е добитник на Нобеловата награда за литература во 2015-тата година. Според сценарија од Светлана Алексиевич се снимени дваесетина документарни филмови... Алексиевич е творец на сосема нов, нефикциски жанр (што вреди да биде проследен, бидејќи возвраќа со богато, споделено искуство). Таа пишува “роман на гласови”. Градејќи го овој жанр од книга во книга, таа постојано ја усовршува естетиката на својата документаристичка проза, која се базира на стотици интервјуа. Ваквата нејзина вештина овозможила да го претвори оригиналниот глас на нејзините соговорници во уметничка кондензација на панорамата на душите.

Во весниците пишува се (...а нешто и не) – Крешимир Мишак

Интересно дело од хрватскиот новинар Крешимир Мишак, автор на интригантната ТВ-емисија “На работ на науката”. Во оваа своја книга, Мишак опфаќа повеќе разновидни теми, преку кои ја проблематизира вистинитоста на фактите и информациите што ни се пласираат преку весниците... На пример, во еден момент, авторот (мудро) советува – Не слушај што ти зборуваат, слушни што всушност сакаат! Или, во друга прилика, се запрашува дали децата треба безрезервно да имаат почит кон родителите или родителите треба да ја заслужат почитта од своите деца?!

На едно место, Мишак го споменува и се повикува на синхроницитетот (како една од идеите или појавите што ги тематизира швајцарскиот психоаналитичар Карл Јунг), што, всушност, претставува појава кога две или повеќе случувања се случуваат истовремено и ќе направат важен резултат.

Опфатени се и многу други теми, како на пример, за свинскиот и птичјиот грип, за ХААРП, за влегувањето на Хрватска во ЕУ... Потоа, исто така се споменува и тоа дека хероинот, во минатото, бил употребуван како лек (во мали количини) и како на некои производи денес со назнака – лајт (на пример, Кока-Кола Лајт) во иднина може да се гледа како на (некој вид на) дроги, итн.

Сетова књига (Природа личне стварности) - Џејн Робертс

Култна книга, преку која авторката Џејн Робертс ни ги пренесува своите искуства, односно, мисли што ги добила при повеќе сеанси кога била некој вид на медиум или канал преку кој биле канализирани мислите на духовното / астрално битие Сет (од астралното рамниште, може така да се каже, не?). Станува збор за идеи и размислувања за природата на реалноста, за духовните сфери, за тоа, на пример, како и планините и океаните имаат свои аури, коишто, заедно со аурите на сите луѓе се поврзуваат во единството на големата аура на планетата Земја, итн.

Духовна авантура и вистинско спиритуално патешествие за секој љубопитник и човек со верба во својата интуиција и својот внатрешен учител (како некој кој секогаш ги дава најдобрите и најточни одговори, на егзистенцијалистичките прашања што можеме да си ги поставиме).

Мојот свет на окултизам, иако јас тоа сакам да го наречам магија

МОЈОТ СВЕТ НА ОКУЛТИЗАМ, ИАКО ЈАС ТОА САКАМ ДА ГО НАРЕЧАМ МАГИЈА

Knowing others is wisdom, knowing yourself is enlightenment! – Lao Tzu

1.

Како што Гери Лакман фино кажа во интервју (со што целосно се согласувам), целиот тој свет на магија / езотерија / окултизам / духовност може да биде и често е премногу нападен и кичест. Во смисла дека, некои зборови / термини и фрази веќе станаа премногу чести и обични, премногу вообичаени и излитени, како на пример: чакра, аура, фокусирање на сегашниот момент (Екарт Тол), свест / свесност (што е тоа свесност?), фокусирање на дишењето (јога), зен и други. Во, често, прекичестиот свет на магија (сакам да го користам зборот магија, наместо окултизам, езотерија или алхемија, бидејќи станува збор за магија, тоа е најпрецизниот збор), Рудолф Штајнер се чини дека е еден од најтрезвените езотерични мислители и тоа што го научив од неговата автобиографија, е дека уште како ученик во училиште, тој бил фасциниран и интригиран од разните прикази и слики / облици / форми, присутни во учебниците за геометрија, од кои тој учел. Зачудувачки, сите тие геометриски форми (што се, секако, дел од математиката) наликуваат на тоа како езотеричниот свет функционира и какви се форми спиритуалните ентитети (од астралното рамниште) можат да имаат или едноставно како тие изгледаат.

Присуствував на предавање на Лон Мајло Дукет, американски писател и окултист (мислам дури и масон?!) кој зборуваше на тема – магија. Отидов на предавањето само поради една причина: сакав да слушнам како некој зборува за евокација на спиритуален ентитет. Дукет кажа дека го евоцирал / повикал ентитетот (не ми текнува точно кој), користејќи магичен круг и магичен триаголник, како две базични магични алатки (иако, како што јас ја разбирам магијата, вољата и имагинацијата се двете најбитни и најмоќни магични средства) и додека го правел тоа, постоела можноста да ослепи, што ни кажува дека евокација / повикување на спиритуално битие од астралното рамниште може да биде екстремно опасно (дури и фатално). Спиритуалниот ентитет на Дукет изгледал како коњче од Дизниленд и, очигледно, ги остварил неговите желби и ги претворил во реалност, на мистериозен, магичен начин. За да го евоцира духот, Дукет го користел Goetia - The Lesser Key Of Solomon, најпопуларниот гримоар / студија за магија, што потекнува од 17-тиот век, но го ревидирал Алистер Кроули (најбедниот влез во светот на езотеријата и магијата) во 1904-та.

Значи, што е магија?! Повторно, Гери Лакман дава добро објаснување, кога вели дека сето тоа искуство со магија, дали ќе биде теоретски или практично, користи за да ги поттикне и зголеми / развие скриените резерви на човековата психа и свест / свесност. Очигледно е (или барем така сакам да верувам) дека интересот за магичното (сфатено како дел од Универзумот, разбран како макрокосмос и како дел од нас самите, согледани како микрокосмос / помала слика на Универзумот), рапидно се зголемува! Освен пречесто употребуваните и бледи термини и зборови, што беа спомнати претходно, постои, на пример, книжевна издавачка куќа во Белград / Србија, што се вика Езотерија, што е фокусирана единствено на издавање книги (во превод и оригинали) што обработуваат и опфаќаат многу разновидни аспекти од духовноста. Песната Dark Horse од Кети Пери, и текстот / лириките и видеото, се можеби малку претерана / преувеличена верзија на египетска магија. Одличната песна Magic од Coldplay е буквално експлорација на магичниот начин на размислување. Да не спомнуваме бендови како Coil, Throbbing Gristle, Sigillum S, Troum и многу други, кои се длабоко инспирирани од различни магични (и филозофски) идеи за музиката.

Не само во музиката, туку и во литературата, книжевно-уметничка / фиктивна и нефиктивна, многу автори се под влијание на идеи од магична природа. Како пример може да се спомне романот Волшебникот од Џон Фаулс, што евидентно инкорпорира различни идеи и интерференци помеѓу магијата и филозофијата. Ервин Лазло, во неговата студија Science and the Akashic Field, презентира теорија дека следниот голем чекор во науката ќе биде или веќе е проучување на т.н. поле-акаша (или астралното поле, итн.), што е присутно низ целиот Универзум. Фритјоф Капра (американски физичар, роден во Австрија), во својата книга The Tao Of Physics ги истражува паралелите помеѓу современата физика и источниот мистицизам. Дион Форчн и Карл Јунг се и двајцата познати (и признати) истражувачи на врските помеѓу психологијата и окултното. Бронислав Малиновски, како антрополог, ги истражува магијските ритуали во “примитивните”, племенски средини и заедници.

Сигурен сум во тоа дека има езотерични / магични кодови, што можат да предизвикаат магичен ефект, во одредени зборови и фрази од македонскиот јазик. Постои теорија, што е претставена во (колку што ми е познато) првата и до сега единствена оригинална македонска езотерична новела / студија, насловена Розата од вода, потпишана од Едни Македонци, што вели дека се што е кажано на изворен англиски јазик, доаѓа од устата на Сатаната и е сатанско... Дали се согласувате со тоа?! Јас не сум сигурен. Но знам нешто што е сигурно! А тоа е дека македонскиот јазик е магичен јазик! Некои (можеби и сите?!) македонски зборови се енергизирани, во нив има одредена сила / моќ и тоа е магија – скриено зна(ч)ење во внатрешноста на зборовите. Може да се каже дека во иднина свеста за магичната димензија на македонскиот јазик ќе биде едно од главните оружја на македонската нација во одбраната на идентитетот и воопшто опстанокот! Language is a virus (from outer space)! Но тој, јазикот, разбран како вирус, не мора исклучително да биде штетен. Разбрана како вирус, употребата на (не само) вербалниот јазик, може да не поврзе со божественото (божествената свест и свесност). Ако го користиме правилно, се разбира.

2.

Repetitio est mater studiorum!

“Се повеќе луѓе, во постмодерниот свет, ги (ре)откриваат нивните способности за визионерство, лоцирајќи го внатрешното истражување на суптилните и квалитативни слоеви на нивната свест и свесност, како централно нешто во нивните битија / во нивното постоење. Оваа промена на вниманието е дел од поголемата промена на парадигмата; древните пророштва се остваруваат, така што го дефинираме новото ниво на свесност, што во себе ја интегрира науката / научното и духовноста / духовното, телесното и визионерското, невидливото и веќе познатото.” – вели Даниел Пинчбек, еден од основачите на Evolver, што претставува a lifestyle community платформа што го издава Reality Sandwich, онлајн магазин преокупиран со теми како духовност, филозофија и активизам.

Најчесто го користиме т.н. вербален јазик за комуникација, но сигурен сум во тоа дека има и други, различни аспекти и состојби, многу поопипливи и посуптилни, што ја дефинираат човековата комуникација. Не станува збор само за правилната употреба на интонацијата на гласот, туку и за некои посуптилни нешта што ја дефинираат комуникацијата меѓу луѓето, нешта како, на пример, движењето на телото (уште една форма на (телесен) говор / body language), ставот, погледот на / во очите, поставеноста на телото, итн. Вербалниот јазик / израз е само еден мал дел од тоа што некој сака да го (ис)каже. “Противречноста, што е толку чудна за обичниот начин на размислување, доаѓа од фактот дека мора да користиме јазик за комуникација со нашето внатрешно искуство, кое по самата своја природа ја трансцендира лингвистиката.” – вели Д. Т. Сузуки, јапонски автор на дела и есеи за будизам, зен и шин, што се клучни за проширувањето на интересот за зенот и шинот (а, исто така, и на далечната источна филозофија, воопшто) на Западот. Овој цитат е преземен од дело на Фритјоф Капра, американски физичар роден во Австрија, кој ги проучува врските помеѓу модерната физика и источниот мистицизам.

Секој маж и секоја жена е магионичар! Многумина ја постигнуваат и откриваат својата специфична магична состојба на постоење, без да читаат или да истражуваат никакви книги или дела на тие теми, туку спонтано, наоѓајќи сопствени начини на изразување и употреба на специфични форми на јазикот, не само вербален, туку, исто така битно, како што беше речено и претходно, јазикот на телото или посебни / сопствени начини на движење на телото, што, всушност, се смета за една од најбитните задачи што магионичарот треба да ги направи и постигне – да го открие сопственото, оригинално движење на телото, рацете, нозете, одењето, итн. Да не бидеме копија на некој друг! Движењето (на телото) е, самото по себе (еден вид на) магија! Исто како што и Бог е еден вид на магија (a kind of magic, апропо песната од Queen). Постои огромна дистанца / раздалеченост помеѓу нас / луѓето и Бог и тој простор е исполнет со разновидни спиритуални битија, кои, доколку им се обратиме на правилен начин, може да ги пренесат нашите молитви до Бог. Омраам Михаел Ајванхов, бугарски филозоф роден во Македонија, но исто така и педагог, алхемичар, мистик, маг и астролог, пишува опширно за тоа во Angels and other Mysteries of The Tree of Life.

Секој маж и секоја жена е магионичар! Но, во согласност со сечија посебна и лична состојба на свест и свесност, зависи колку некој може да биде или е свесен за тоа. Како што Дипак Чопра вели во The Way Of Wizard – магионичарот е тој кој знае и гледа се, во секоја прилика. Тоа ни кажува дека ние, како луѓе (со божествени особини во нас), во секоја животна ситуација треба екстремно прецизно да знаеме / да направиме разлика (во нашите срца и со нашата свест и свесност) што (е тоа што го) знаеме и што (е тоа што) не (го) знаеме; да ја почувствуваме разликата; кој е тој во нас кој зборува и гледа – човекот (кој знае многу малку) или магионичарот (кој, апсолутно, во секоја прилика, треба и може да знае и да гледа апсолутно се.

3.

As soon as you see something, you already start to intellectualize it. As soon as you intellectualize something, it is no longer what you saw. – D. T. Suzuki

Изненадува фактот колкумина имаат тенденција кон тоа да ги интелектуализираат нештата, воопшто. Не само врвно интелигентни луѓе (понекогаш заробени во нивните глави), туку исто така и помалку интелигентни луѓе, затворени во сопствените умови, не знаат / не научиле да чувствуваат со срцето, туку само прекумерно ги теоретизираат и интелектуализираат нештата и настаните, заземајќи исклучително филозофски поглед за многу едноставни и обични нешта; наместо да ужива во прекрасниот изглед на зајдисонцето во градот, некој ќе почне да коментира за тоа колку многу облаци има на небото, како така нема птици, зошто Сонцето е толку многу сјајно... Знам дека секој сака нешто! Луѓето се чудни, луѓето се настојчиви, секој има некои свои (сопствени) специјални потреби... Што е тоа толку посебно во врска со некоја одредена потреба што некој може да ја има?!

Некаде помеѓу едноставноста и комплексноста, можеме да се обидеме да дефинираме некој извесен аспект на човековото битие. Не секој сака да биде до толку проклето едноставен. Некои се многу свесни за своите комплексни карактери и уживаат во секој момент од својата посебност. Но: “Blessed are the poor in spirit, for theirs is the kingdom of heaven.”

4.

She calls out to the man on the street,

“Sir, can you help me?

It’s cold and I’ve nowhere to sleep,

is there somewhere you can tell me?”

He walks on, doesn’t look back,

he pretends he can’t hear her,

starts to whistle as he crosses the street,

seems embarrassed to be there.

Oh,

Think twice,

‘cause it’s another day for you and me in paradise!

Oh,

think twice,

‘cause it’s another day for you,

you and me in paradise!

Think about it!